LexAI-ի բազմալեզու հնարավորությունը․ պատրաստել իրավական տեքստեր 15 լեզուներով
LexAI-ում կարող եք վերբեռնել փաստաթղթեր տարբեր լեզուներով և ստանալ պատասխանը Ձեզ անհրաժեշտ լեզվով՝ առանց առանձին թարգմանության։
Աշխատո՞ւմ եք ՄԻԵԴ ներկայացվող գործի վրա։ Վերլուծո՞ւմ եք միջազգային պայմանագիր։ Պատրաստո՞ւմ եք փաստաթուղթ օտարերկրյա գործընկերոջ, դատարանի կամ կառույցի համար։
LexAI-ում կարող եք ներբեռնել նյութերը մեկ լեզվով, հարցումը գրել Ձեզ հարմար լեզվով և արդյունքը ստանալ այն լեզվով, որը պետք է տվյալ գործի համար։
Ինչպես ընտրել պատասխանի լեզուն
Արդյունքի լեզուն կարող եք կառավարել աջ հատվածում գտնվող լեզվի ընտրության դաշտից։ Օրինակ՝ եթե գործի նյութերը անգլերեն են, իսկ պատասխանը պետք է ստանաք հայերեն, պարզապես ընտրեք Armenian։ Եթե անհրաժեշտ է պատրաստել վերլուծություն կամ փաստաթղթի նախագիծ անգլերենով, ընտրեք English։
Երբ է հատկապես օգտակար
Այս հնարավորությունը հատկապես օգտակար է, երբ պետք է՝
- վերլուծել օտարալեզու պայմանագիր կամ փաստաթուղթ,
- ամփոփել գործի նյութերը հայերենով,
- պատրաստել իրավական տեքստ այլ լեզուներով,
- համեմատել տարբեր լեզուներով կազմված փաստաթղթերը,
- արագ հասկանալ օտարալեզու նյութի բովանդակությունը՝ առանց առանձին թարգմանության գործընթացի։
Օգտագործման քայլերը
Օգտագործման քայլերը պարզ են․ ներբեռնեք անհրաժեշտ նյութերը, ընտրեք աղբյուրները, նշեք պատասխանի լեզուն և գրեք առաջադրանքը չատում։
Օրինակ կարող եք գրել․
«Վերլուծիր ընտրված պայմանագիրը և ներկայացրու հիմնական ռիսկերը հայերենով»։
կամ՝
«Summarize the selected Armenian case materials and draft the response in English»։
Մեկ աշխատանքային միջավայր
LexAI-ն օգնում է աշխատել բազմալեզու նյութերի հետ մեկ աշխատանքային միջավայրում՝ առանց գործի նյութերը նախապես առանձին թարգմանելու։ Դուք ընտրում եք աղբյուրները, տալիս եք առաջադրանքը և որոշում եք, թե ինչ լեզվով պետք է ստանաք արդյունքը։